യുവജനസംഗമവും ലഹരിവിരുദ്ധ ബോധവത്ക്കരണവും

ചങ്ങനാശേരി : എസ് എൻ ഡി പി യോഗം യൂത്ത്മൂവ്മെന്റ് ചങ്ങനാശേരി യൂണിയന്റെ നേതൃത്വത്തിൽ വാകത്താനം മേഖലയിൽ പ്രവർത്തിക്കുന്ന യൂത്ത്മൂവ്മെന്റ് പ്രവർത്തകരുടെ യോഗവും ലഹരിവിരുദ്ധ ബോധവത്ക്കരണ ക്ലാസ്സും യൂണിയൻ പ്രസിഡന്റ് ഗിരീഷ് കോനാട്ട് ഉദ്ഘാടനം ചെയ്തു യൂത്ത്മൂവ്മെന്റ് യൂണിയൻ പ്രസിഡന്റ് അജിത് മോഹൻ അദ്ധ്യക്ഷത വഹിച്ചു. യൂണിയൻ സെക്രട്ടറി സുരേഷ് പരമേശ്വരൻ മുഖ്യപ്രഭാഷണം നടത്തി.എക്സൈസ് വകുപ്പ് കോട്ടയം ജില്ലാ കോർഡിനേറ്റർ വിനു വിജയൻ ലഹരിവിരുദ്ധ ബോധവത്ക്കരണ ക്ലാസ് നയിച്ചു. യൂണിയൻ വൈസ്പ്രസിഡന്റ് പി എം ചന്ദ്രൻ, ശാഖാ പ്രസിഡന്റ് റജി കെ ആർ, യൂത്ത്മൂവ്മെന്റ് യൂണിയൻ വൈസ് പ്രസിഡന്റ് രമേശ് കോച്ചേരി, യൂത്ത്മൂവ്മെന്റ്ജില്ലാ ട്രഷറർ പ്രശാന്ത് മനന്താനം,ജോ. സെക്രട്ടറി ദിനു കെ ദാസ് ,കേന്ദ്രസമിതി അംഗങ്ങളായ വിപിൻ കേശവൻ, കൗൺസിൽ അംഗം സജിത്ത് എന്നിവർ സംസാരിച്ചു. യൂത്ത്മൂവ്മെന്റ് യൂണിയൻ സെക്രട്ടറി അനിൽ കണ്ണാടി സ്വാഗതവും മേഖലാ ചെയർമാൻ വൈശാഖ് നന്ദിയും പറഞ്ഞു