കവിമുഖം!
കൈനഖങ്ങളില്‍
നെയ്‌ല് പോളിഷിട്ട കവി
കറുപ്പിച്ച മേല്‍മീശയും
വെളുത്ത താടിരോമങ്ങളും
വെളുപ്പും കറുപ്പും
ഇടതൂര്‍ന്ന കുങ്കുമവര്‍ണ്ണവും
നിറഞ്ഞ സമൃദ്ധമായ മുടി
മട്ടന്‍ കറിയുടെ മണമുള്ള
വലം കൈവെള്ളയില്‍
സിംഹം സിംഹിയെ നക്കി-
തോര്‍ത്തുംപോലെ തഴുകി!
കള്ളികുപ്പായത്തിലെ
വര്‍ണ്ണരാജിയില്‍
മനവും തനവും കുരുങ്ങിയ
ആരാധികയുടെ നയനങ്ങള്‍
വീതിക്കരയന്‍ ബ്രാന്‍ഡ്-
മുണ്ടില്‍ തെന്നി, ത്തെന്നി,
പാദങ്ങളില്‍ വട്ടംചുറ്റി.
വെട്ടിക്കൂര്‍പ്പിച്ച്., നീല പെയിന്റടിച്ച
നീളന്‍ കാല്‍ നഖങ്ങള്‍
കഴുകന്‍ ഇരയെ കോര്‍ക്കുംപോലെ
ചെരുപ്പിനെ പാദത്തോട്,
ചേര്‍ത്തിരിക്കുന്നു.
കവിയുടെ നരച്ച കണ്‍പീലികളുടെ-
നടുവില്‍, മത്തടിച്ച പെരുമ്പാമ്പിന്‍ കണ്ണുകള്‍!
ഇടം പുരികം വെളുപ്പിച്ചും
വലം പുരികം കറുപ്പിച്ചും
ആള്‍ക്കൂട്ടത്തില്‍ കവി വേറിട്ടവനായ്!
ആരാധികയുടെ താമരക്കണ്ണുകള്‍
കാല്‍നഖങ്ങളിലൂടെ
പാമ്പേണിക്കറും മാതിരി
ചുറ്റിവളഞ്ഞ് മറിഞ്ഞ് തിരിഞ്ഞ്
കഴുത്തുകടന്നതും
കവിയുടെ മുഖം കണ്ട് ബോധമറ്റ്
നിലം പതിച്ചു!
9400759640
Author
