യൂത്ത്മൂവ്‌മെന്റ് ‘ഉണര്‍വ് 2023’
പാലക്കാട് യൂണിയന്‍ സെക്രട്ടറി കെ.ആര്‍. ഗോപിനാഥ് യോഗം ഉദ്ഘാടനം ചെയ്യുന്നു
പാലക്കാട് : എസ്.എന്‍.ഡി.പി യോഗം യൂത്ത്മൂവ്‌മെന്റ് പത്താംതരം, പ്ലസ്ടു വിജയിച്ച വിദ്യാര്‍ത്ഥികള്‍ക്ക് വേണ്ടി ‘ഉണര്‍വ് -2023’ സംഘടിപ്പിച്ചു. വിദ്യാര്‍ത്ഥികള്‍ക്കുള്ള വ്യക്തിത്വ വികസന ക്ലാസും, കരിയര്‍ ഗൈഡന്‍സ് ക്ലാസും മൊമന്റോയും സര്‍ട്ടിഫിക്കറ്റ് വിതരണവും നടന്നു.പാലക്കാട് യൂണിയന്‍ സെക്രട്ടറി കെ.ആര്‍. ഗോപിനാഥ് യോഗം ഉദ്ഘാടനം ചെയ്തു.
കൗണ്‍സിലിംഗ് സൈക്കോളജിസ്റ്റ് വിജിത പ്രേംസുന്ദര്‍ വിദ്യാര്‍ത്ഥികള്‍ക്കുവേണ്ടി ക്ലാസുകള്‍ നയിച്ചു. അഞ്ഞൂറോളം വിദ്യാര്‍ത്ഥികള്‍ക്ക് മൊമന്റോയും സര്‍ട്ടിഫിക്കറ്റുകളും നല്‍കി അനുമോദിച്ചു.
യൂത്ത്മൂവ്‌മെന്റ് പ്രസിഡന്റ് സുരേഷ് വി. അദ്ധ്യക്ഷത വഹിച്ച യോഗത്തില്‍ സെക്രട്ടറി നിവിന്‍ ശിവദാസ് സ്വാഗതം പറഞ്ഞു.
പാലക്കാട് യൂണിയന്‍ പ്രസിഡന്റ് ആര്‍. ഭാസ്‌കരന്‍ മുഖ്യപ്രഭാഷണം നടത്തി. യൂണിയന്‍ വൈസ്പ്രസിഡന്റ് യു.പ്രഭാകരന്‍, യോഗം ഡയറക്ടര്‍മാരായ അഡ്വ. കെ. രഘു, ബി.വിശ്വനാഥന്‍, ജി. രവീന്ദ്രന്‍, പി. മുരുകന്‍, വനിതാസംഘം സെക്രട്ടറി പത്മാവതി പ്രഭാകരന്‍ എന്നിവര്‍ ആശംസകള്‍ അര്‍പ്പിച്ചു.യൂത്ത്മൂവ്‌മെന്റ് വൈസ്പ്രസിഡന്റ് ജി. പ്രത്യുഷ്‌കുമാര്‍ നന്ദി പറഞ്ഞു.
Author
