ശ്രീനാരായണ ഗുരുകുലം എഞ്ചിനീയറിംഗ് കോളേജ് എന്നും മുൻനിരയിൽ
ശാസ്ത്രസാങ്കേതിക രംഗത്തും തൊഴില്‍ മേഖലയിലും വലിയ ചലനങ്ങള്‍സൃഷ്ടിക്കുകയാണ് കോലഞ്ചേരികടയിരുപ്പ് ശ്രീനാരായണ ഗുരുകുലം എഞ്ചിനീയറിംഗ് കോളേജ്
സംഘടന കൊണ്ട് ശക്തരാകുക, വിദ്യകൊണ്ട് പ്രബുദ്ധരാകുക എന്ന ശ്രീനാരായണഗുരുദേവന്റെ സന്ദേശം സമൂഹത്തില്‍ പ്രാവര്‍ത്തികമാക്കാന്‍ വേണ്ടി രൂപീകൃതമായ സ്ഥാപനമാണ് പെരുമ്പാവൂര്‍ കേന്ദ്രീകൃതമായ ശ്രീനാരായണഗുരുകുലം ചാരിറ്റബിള്‍ ട്രസ്റ്റിന്റെ കീഴില്‍ പ്രവര്‍ത്തിക്കുന്ന ശ്രീനാരായണ ഗുരുകുലം കോളേജ് ഓഫ് എഞ്ചിനീയറിംഗ്. (എസ്.എന്‍.ജി.സി.ഇ.)
എറണാകുളം നഗരത്തില്‍ നിന്ന് ഏതാണ്ട് 30കി.മീ. മാത്രം അകലെ പെരുമ്പാവൂരിനും കോലഞ്ചേരിക്കും ആലുവയ്ക്കും മദ്ധ്യേ കടയിരുപ്പ് എന്ന ശാന്തസുന്ദരമായ ഗ്രാമത്തിലാണ് ഈ കോളേജ് സ്ഥിതി ചെയ്യുന്നത്. നെടുമ്പാശ്ശേരി വിമാനത്താവളവും, ആലുവ റെയില്‍വേ സ്റ്റേഷനും, 25 കിലാേമീറ്ററിന് ഉള്ളിൽ തന്നെ. കേരളത്തിലെ സ്വകാര്യമേഖലയില്‍ പ്രവര്‍ത്തിക്കുന്ന എഞ്ചിനീയറിംഗ് കോളേജുകളില്‍ മുന്‍പന്തിയില്‍ നില്‍ക്കുന്ന സ്ഥാപനമാണ് എസ്.എന്‍.ജി.സി.ഇ. 2002ല്‍ 4 ബ്രാഞ്ചുകളില്‍ ബിടെക് കോഴ്‌സുകളുമായി പ്രവര്‍ത്തനമാരംഭിച്ച കോളേജില്‍ ഇന്ന് ആറ് ബ്രാഞ്ചുകളില്‍ ബി ടെക് കോഴ്‌സുകളും എട്ട് എം.ടെക് കോഴ്‌സുകള്‍ക്കും പുറമെ എം.ബി.എ . എം.സി.എ. എന്നീ കോഴ്‌സുകളും പി.എച്ച്.ഡി. ഗവേഷണ കേന്ദ്രവും പ്രവര്‍ത്തിച്ചു വരുന്നു. കൂടുതല്‍ വിഷയങ്ങളില്‍ ബിരുദ ബിരുദാനന്തര കോഴ്‌സുകള്‍ക്കൊപ്പം പിഎച്ച്ഡി പ്രോഗ്രാമുകളും ആരംഭിക്കാന്‍ തയ്യാറെടുക്കുകയാണ്. എസ്.എന്‍.ജി.സി.ഇ. കേരള യൂണിവേഴ്‌സിറ്റി ഓഫ് ഫിഷറീസ് ആന്റ് ഓഷ്യന്‍ സയന്‍സിന്റെ (കെ.യു.എഫ്.ഒ.എസ്.) ഒരു അംഗീകൃത ഗവേഷണ കേന്ദ്രമാണ് എസ്.എന്‍.ജി.സി.ഇ.
കോളേജില്‍ ഇപ്പോള്‍ സിവില്‍, മെക്കാനിക്കല്‍, ഇലക്ട്രിക്കല്‍ ആന്റ് ഇലക്‌ട്രോണിക്‌സ്, ഇലക്‌ട്രോണിക്‌സ് ആന്റ് കമ്യൂണിക്കേഷന്‍, കമ്പ്യൂട്ടര്‍ സയന്‍സ്, നേവല്‍ ആര്‍ക്കിടെക്ചര്‍ ആന്റ് ഷിപ്പ് ബില്‍ഡിംഗ് (എന്‍.എ.എസ്.ബി) എന്നീ വിഷയങ്ങളില്‍ ബി.ടെക് എഞ്ചിനീയറിംഗ് കോഴ്‌സുകളും കമ്പ്യൂട്ടര്‍ സയന്‍സില്‍ സൈബര്‍ സെക്യൂരിറ്റി, സിവില്‍ വിഭാഗത്തില്‍ സ്ട്രക് ചറല്‍ എഞ്ചിനീയറിംഗ് ആന്റ് കണ്‍സ്ട്രക്ഷന്‍ മാനേജ്‌മെന്റ് എന്നീ വിഷയങ്ങളില്‍ എംടെക് കോഴ്‌സുകളും എം.ബി.എ, എം.സി.എ. എന്നി ബിരുദാനന്തര കോഴ്‌സുകളും വളരെ ഉയര്‍ന്ന നിലവാരത്തില്‍ പ്രവര്‍ത്തിച്ചു വരുന്നു. എന്‍.എ.എസ്.ബി യില്‍ ബിടെക് കോഴ്‌സ് നല്‍കുന്ന അപൂര്‍വം സ്വകാര്യ സ്ഥാപനങ്ങളില്‍ മുന്‍പന്തിയിലാണ് എസ്.എന്‍.ജി.സി.ഇ . ശാസ്ത്രസാങ്കേതിക രംഗത്തും തൊഴില്‍ മേഖലയിലും കൂടുതല്‍ ചലനങ്ങള്‍ സൃഷ്ടിക്കാന്‍ സാധ്യതയുള്ള പുതിയ പ്രോഗ്രാമുകള്‍ ആരംഭിക്കാനുള്ള തയ്യാറെടുപ്പിലാണ് കോളേജ്.
അംഗീകാരങ്ങള്‍ ഏറെ
കോളേജിന്റെ അദ്ധ്യാപന ,പാഠ്യേതര മേഖലകളിലുള്ള മികവിന്റെ ഉദാഹരണങ്ങളാണ് വിവിധ കാലങ്ങളില്‍ ലഭ്യമായ ഐഎസ്ഒ സര്‍ട്ടിഫിക്കേഷന്‍, നാക്ക് അക്രഡിറ്റേഷന്‍ വിവിധ ഡിപ്പാര്‍ട്ടുമെന്റുകള്‍ക്കുള്ള എന്‍ബിഎ അക്രഡിറ്റേഷന്‍ തുടങ്ങിയ അംഗീകാരങ്ങള്‍. ക്ലാസ്‌റൂം അദ്ധ്യയനം, ലബോറട്ടറി, ലൈബ്രറി പരിശീലനങ്ങള്‍ക്കു പുറമേ വിദ്യാര്‍ത്ഥികളെ ചെറിയ ചെറിയ ഗ്രൂപ്പുകളായി തിരിച്ച് ഓരോ ട്യൂട്ടറുടെ മേല്‍നോട്ടത്തില്‍ പ്രത്യേക കോച്ചിംഗ് നല്‍കി എല്ലാവരെയും ഒരേപോലെ പ്രാപ്തരാക്കുന്ന രീതിയാണ് കോളേജില്‍ അനുവര്‍ത്തിച്ചു വരുന്നത്. രക്ഷാകര്‍ത്താക്കളുമായി നിരന്തരം ബന്ധപ്പെട്ട് കുട്ടികളുടെ പ്രവര്‍ത്തനത്തിലെ കുറവുകള്‍ വിലയിരുത്തുകയും സമയബന്ധിത പരിഹാര മാര്‍ഗ്ഗങ്ങള്‍ നിര്‍ദ്ദേശിക്കുകയും ചെയ്യുന്നു.
വിവിധ വിഷയങ്ങളില്‍ എല്ലാ വര്‍ഷവും നടത്തുന്ന ദേശീയ അന്തര്‍ദേശീയ സെമിനാറുകളും ശില്പശാലകളും കോണ്‍ഫറന്‍സുകളും ശാസ്ത്രസാങ്കേതിക മാനേജ്‌മെന്റ് മേഖലകളില്‍ വിദ്യാര്‍ത്ഥികളുടെ അറിവ് വര്‍ദ്ധിപ്പിക്കുന്നതിനും അവരെ ഉപരി പഠനത്തിനും ഗവേഷണത്തില്‍ തത്പരരാക്കുന്നതിനും സഹായിക്കുന്നു. പാഠ്യേതര മേഖലയില്‍ കലാസാംസ്‌കാരിക രംഗത്തും കായിക രംഗത്തും വിദ്യാര്‍ത്ഥികളുടെ കഴിവുകള്‍ പ്രോത്സാഹിപ്പിക്കുന്നതിനുള്ള വിവിധ പരിപാടികളും നടപടികളും കൃത്യമായി നടത്തി വരുന്നു. വിദ്യാര്‍ത്ഥികളുടെ പ്രൊജക്ടിന്റെ ഭാഗമായുള്ള പ്രബന്ധങ്ങള്‍, നിര്‍മ്മിതികള്‍, പ്രോട്ടൊടൈപ്പ് മോഡലുകള്‍, വിവിധ ആപ്ലിക്കേഷനുകള്‍ തുടങ്ങിയവയുടെ ശേഖരങ്ങള്‍ പ്രദര്‍ശിപ്പിക്കുന്ന ടെക്‌ഫെസ്റ്റുകള്‍, വിദ്യാര്‍ത്ഥികള്‍ക്കും സന്ദര്‍ശകര്‍ക്കും ഒരേ പോലെ പ്രയോജനപ്രദവും ജനശ്രദ്ധ നേടിയിട്ടുള്ളതുമാണ്.
പ്ലേസ്‌മെന്റ്‌സെല്‍
ഇവിടെ പഠനം പൂര്‍ത്തിയാക്കുന്ന വിദ്യാര്‍ത്ഥികള്‍ക്ക് മികച്ച തൊഴിലവസരങ്ങള്‍ കണ്ടെത്തുന്നതിന് വളരെ ഫലപ്രദമായി പ്രവര്‍ത്തിക്കുന്ന ഒരു പ്ലേസ്‌മെന്റ്‌സെല്‍ പ്രവര്‍ത്തിച്ചുവരുന്നു. കഴിഞ്ഞ 15 വര്‍ഷത്തിലധികമായി ഇവിടെ നിന്നും പഠനം പൂര്‍ത്തിയായ വിദ്യാര്‍ത്ഥികളില്‍ വലിയ വിഭാഗത്തിന് സംസ്ഥാന ദേശീയ അന്തര്‍ദേശീയ തലത്തില്‍ പ്രശസ്തിയാര്‍ജ്ജിച്ച സ്ഥാപനങ്ങളില്‍ ഉയര്‍ന്ന ശമ്പളത്തില്‍ ജോലി ലഭിച്ചിട്ടുണ്ട്. വിദ്യാര്‍ത്ഥികളെ ജോലിക്കു വേണ്ടിയുള്ള അഭിമുഖത്തിനും ചര്‍ച്ചകള്‍ക്കും മറ്റ് മാനദണ്ഡങ്ങള്‍ക്കും സജ്ജമാക്കുന്ന ട്രെയ്‌നിംഗുകളും മറ്റും തുടര്‍ച്ചയായി നടത്തിവരുന്നു. ഭാഷാ പ്രാവീണ്യത്തിനും, ഫലപ്രദമായ ആശയ വിനിമയത്തിനുള്ള പരിശീലനവും നല്‍കി വരുന്നുണ്ട്. പഠനത്തില്‍ മികവു തെളിയിക്കുന്ന വിദ്യാര്‍ത്ഥികള്‍ക്ക് സ്‌കോളര്‍ഷിപ്പുകളും, മറ്റ് പുരസ്‌കാരങ്ങളും നല്‍കി അംഗീകരിക്കുന്നു.
ആധുനിക സൗകര്യങ്ങളുള്ള
ഹോസ്റ്റലുകള്‍
ആണ്‍കുട്ടികള്‍ക്കും പെണ്‍കുട്ടികള്‍ക്കും പ്രത്യേകമായുള്ള ആധുനിക സൗകര്യങ്ങളോട് കൂടിയ ഹോസ്റ്റലുകള്‍
കോളേജ് ക്യാമ്പസിനോട് ചേര്‍ന്ന് പ്രവര്‍ത്തിക്കുന്നു. എറണാകുളം ജില്ലയിലെ വിവിധ മേഖലകളിലേക്കുള്ള യാത്രാ സൗകര്യത്തിനായി കോളേജ് ബസ്സുകളും, പ്രാഥമിക ചികിത്സാ സൗകര്യത്തിനായി ഡോക്ടറുടെ സേവനവും 24 മണിക്കൂര്‍ ആംബുലന്‍സ് സര്‍വീസും ലഭ്യമാണ്.
ആധുനികവത്കരണത്തിന്റെ പാതയില്‍
ആധുനിക വത്കരണത്തിന്റെയും വികസനത്തിന്റെയും പാതയില്‍ അതിവേഗം മുന്നേറാന്‍ തയ്യാറെടുക്കുകയാണ് ശ്രീനാരായണഗുരുകുലം കോളേജ് ഓഫ് എഞ്ചിനീയറിംഗ് എസ്.എന്‍.ഡി.പി യോഗം കുന്നത്തുനാട് യൂണിയന്റെ നേതൃത്വത്തില്‍ ശ്രീനാരായണഗുരുകുലം ചാരിറ്റബിള്‍ ട്രസ്റ്റ് ആണ് കോളേജിന്റെ പ്രവര്‍ത്തനത്തെ നയിക്കുന്നത്. കുന്നത്തുനാട് എസ്.എന്‍.ഡി.പി യൂണിയന്റെ അഡ്മിനിസ്‌ട്രേറ്ററും പ്രമുഖ വ്യവസായിയുമായ കെ.കെ. കര്‍ണ്ണനാണ് ട്രസ്റ്റിന്റെ പ്രസിഡണ്ട്. സംസ്ഥാന സര്‍ക്കാരിന്റെ വിവിധ വകുപ്പുകളില്‍ പ്രധാന പദവികളില്‍ ദീര്‍ഘകാലം പ്രവര്‍ത്തിച്ചു വിരമിച്ച അനിലന്‍ ആണ് ട്രസ്റ്റിന്റെ സെക്രട്ടറി. കേരള സര്‍ക്കാര്‍ ശാസ്ത്രസാങ്കേതിക വകുപ്പ് മുന്‍ പ്രിന്‍സിപ്പല്‍ സെക്രട്ടറിയും ദേശീയ അന്തര്‍ദേശീയ സ്ഥാപനങ്ങളില്‍ വിവിധ പദവികളില്‍ ദീര്‍ഘകാല പ്രവര്‍ത്തന പരിചയവുമുള്ള ഡോ. ഇ.പി. യശോധരന്‍ ആണ് കോളേജിന്റെ ചീഫ് എക്‌സിക്യൂട്ടീവ് ഓഫീസര്‍. ഇലക്‌ട്രോണിക്‌സ് എഞ്ചിനീയറിംഗിലും ഷിപ്പ് ടെക്‌നോളജിയിലും വിദഗ്ദ്ധനായ മികച്ച് അഡ്മിനിസ്‌ട്രേറ്റര്‍ കൂടിയായ സുരേഷ് ടി.കെ., മാനേജര്‍ ആയി പ്രവര്‍ത്തിക്കുന്നു. അദ്ധ്യാപന രംഗത്തും ഗവേഷണ രംഗത്തും ദീര്‍ഘകാല പരിചയവുമുള്ള ഡോ. കെംതോസ് പി പോള്‍ ആണ് പ്രിന്‍സിപ്പല്‍.
Author
