മീനച്ചില്‍ യൂണിയന്‍ വടക്കന്‍ മേഖലാ സമ്മേളനം
എസ്.എന്‍.ഡി.പി. യോഗം മീനച്ചില്‍ യൂണിയന്‍ സംഘടിപ്പിച്ച വടക്കന്‍ മേഖലാ സമ്മേളനം കൊല്ലപ്പിള്ളിയില്‍ ചങ്ങനാശ്ശേരി യൂണിയന്‍ സെക്രട്ടറിയും ചെങ്ങന്നൂര്‍ യൂണിയന്‍ അഡ്മിനിസ്ട്രേറ്ററുമായ സുരേഷ് പരമേശ്വരന്‍ തിരിതെളിച്ചു ഉദ്ഘാടനം ചെയ്തു.
മീനച്ചില്‍ യൂണിയനിലെ അരീക്കര, രാമപുരം, ഏഴാച്ചേരി, കൊല്ലപ്പിള്ളി, പിഴക്, കുറിഞ്ഞി, ഉള്ളനാട്, വേഴാങ്ങാനം, കയ്യൂര്‍, നീലൂര്‍, മേലുകാവ് എന്നീ ശാഖകളിലെ നേതാക്കളും പ്രവര്‍ത്തകരുമാണ് വടക്കന്‍ മേഖലാ സമ്മേളനത്തില്‍ പങ്കെടുത്തത്. ഏതാണ്ട് നാല് കിലോമീറ്ററിൽ അധികം ദൂരം പീതവർണ്ണാഭമായ കൊടിതോരണങ്ങൾ കൊണ്ട് റോഡിനിരുവശങ്ങളും അലങ്കരിച്ച് ഉത്സവഛായയിൽ ആണ് മേഖലാ സമ്മേളനം നടന്നത്.
മീനച്ചിൽ യൂണിയൻ ചെയർമാൻ സുരേഷ് ഇട്ടിക്കുന്നേൽ അദ്ധ്യക്ഷനായ സമ്മേളനത്തിൽ യൂണിയൻ കൺവീനർ എം.ആർ.ഉല്ലാസ് സ്വാഗതവും വൈസ് ചെയർമാൻ സജീവ് വയലാ നന്ദിയും പറഞ്ഞു.
സി.ടി.രാജൻ, അനീഷ് പുല്ലുവേലിൽ, കെ.ജി.സാബു, സി.പി.സുധീഷ്, സജി കുന്നപ്പള്ളി, മിനർവ്വമോഹൻ, അനീഷ് ഇരട്ടിയാനി, അരുൺ കുളംമ്പള്ളി, പി.ജി.പ്രദീപ് പ്ളാച്ചേരിൽ, രജ്ഞൻ ശാന്തികൾ, ആത്മജൻ, ഗോപൻ ഗോപു, കെ.ആർ.രാജൻ എന്നിവർ സംസാരിച്ചു. ശാഖാഭാരവാഹികളും, വനിതാസംഘം- യൂത്ത് മൂവ്മെന്റ്- വൈദികയോഗം- സൈബർ സേന- എംപ്ലോയീസ് ഫോറം- പെൻഷനേഴ്‌സ് കൗൺസിൽ- കുടുംബ യൂണിറ്റുകൾ- മൈക്രോ യൂണിറ്റ് ഭാരവാഹികളും പ്രവർത്തകരും പങ്കെടുത്തു.
Author
