കാപട്യങ്ങൾ മറച്ച് പിടിക്കുന്നതിന്
യോഗത്തിനെതിരെ കുപ്രചാരണം

സ്വന്തം കാപട്യങ്ങൾ മറച്ച് പിടിക്കുന്നതിന് വേണ്ടിയാണ് കുറച്ച് ഛിദ്ര ശക്തികൾ യോഗത്തിനെതിരെ കുപ്രചാരണങ്ങൾ നടത്തുന്നതെന്ന് യോഗം വൈസ് പ്രസിഡന്റ്‌ തുഷാർ വെള്ളാപ്പള്ളി പറഞ്ഞു. എസ്.എൻ.ഡി.പി യോഗം കൊടകര യൂണിയന്റെ നേതൃത്വ പഠനക്ലാസ്സ് ഉദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം. യൂണിയൻ വൈസ് പ്രസിഡന്റ്‌ പി. കെ സുഗതൻ അധ്യക്ഷനായിരുന്നു.

യൂണിയൻ സെക്രട്ടറി ശ്രീ.കെ. ആർ.ദിനേശൻ സ്വാഗതം പറഞ്ഞു. യൂത്ത് മൂവ്മെന്റ് സംസ്ഥാന ജോ: സെക്രട്ടറി ആയി തിരഞ്ഞെടുത്ത അനൂപ്. കെ. ദിനേശൻ, വൈദിക യോഗം സംസ്ഥാന കൗൺസിലർ അശ്വനിദേവ് തന്ത്രികൾ എന്നിവർക്ക് സ്വീകരണവും നൽകി. യോഗം കൗൺസിലർ ഷീബ ടീച്ചർ ക്ലാസ്സ്‌ നയിച്ചു . യോഗം കൗൺസിലർ പി. കെ. പ്രസന്നൻ ,യോഗം ഡയറക്ടർമാരായ ഇ കെ. ശശി, എൻ ബി. മോഹനൻ, യൂണിയൻ കൗൺസിലർമാരായ വി. വി. ശ്രീധരൻ, പ്രഭാകരൻ മുണ്ടക്കൽ, നന്ദകുമാർ മലപ്പുറം, കെ. എ. പുരുഷോത്തമൻ, കെ. ജി. സുരേന്ദ്രൻ, വനിതാ സംഘം പ്രസിഡന്റ് മിനി പരമേശ്വരൻ, സെക്രട്ടറി ലൗലി സുധീർബേബി, വൈസ് പ്രസിഡന്റ്‌ ശാരദ ഭാസിൽ, ശൈലജ രാജൻ,യൂത്ത് മൂവ്മെന്റ് പ്രസിഡന്റ്‌ അനിൽകുമാർ ഞാറ്റുവെട്ടി, സെക്രട്ടറിസജിത്ത്. എസ്‌. ജെ.എന്നിവർ പ്രസംഗിച്ചു. ഡയറക്ടർ ബോർഡ്‌ അംഗം എൻ. ബി. മോഹനൻ നന്ദി പറഞ്ഞു