തിരുവനന്തപുരം റീജിയന്‍ 1 കലോത്സവം
വര്‍ക്കല: കേന്ദ്ര വനിതാസംഘം തിരുവനന്തപുരം റീജിയന്‍ 1ന്റെ കലോത്സവം വര്‍ക്കല ശ്രീനാരായണ ഗുരു കോളേജ് ഓഫ് അഡ്വാന്‍സ് ഡ് സ്റ്റഡീസില്‍ സിനിമാ സീരിയല്‍ താരങ്ങളായ ലക്ഷ്മി, രശ്മി എന്നിവര്‍ ചേര്‍ന്ന് ഉദ്ഘാടനം ചെയ്തു. യോഗം ശിവഗിരി യൂണിയന്റെ ആഭിമുഖ്യത്തിൽ നടന്ന കലോത്സവത്തില്‍ തിരുവനന്തപുരം, കൊല്ലം, ആലപ്പുഴ ജില്ലകളിലെ യൂണിയനുകളില്‍ നിന്നുള്ള പ്രതിഭകള്‍ പങ്കെടുത്തു.
നാല് മേഖലകളായാണ് കലോത്സവം. കുമാരനാശാന്‍ സ്മൃതി ദിനാചരണത്തിന്റെ ഭാഗമായി വീണപൂവ് എന്ന പേരിലാണ് കലോത്സവം സംഘടിപ്പിച്ചത്. കേന്ദ്ര വനിതാസംഘം പ്രസിഡന്റ് കൃഷ്ണകുമാരി അദ്ധ്യക്ഷത വഹിച്ചു. വൈസ്‌പ്രസിഡന്റും യോഗം കൗണ്‍സിലറുമായ ഷീബടീച്ചര്‍ മുഖ്യപ്രഭാഷണം നടത്തി. യോഗം കൗണ്‍സിലര്‍ വിപുനരാജ്, ശിവഗിരി യൂണിയന്‍ പ്രസിഡന്റ് കല്ലമ്പലം നകുലന്‍, സെക്രട്ടറി അജി എസ്.ആര്‍.എം., വൈസ്‌പ്രസിഡന്റ് ജി.തൃദീപ്, പ്രിന്‍സിപ്പല്‍ പ്രൊഫ. ലി, യൂണിയന്‍ വനിതാസംഘം സെക്രട്ടറി സീമ, വൈസ്‌പ്രസിഡന്റ് പ്രസന്ന, കേന്ദ്രവനിതാസംഘം നേതാക്കള്‍, വിവിധ യൂണിയന്‍ നേതാക്കള്‍ തുടങ്ങിയവര്‍ പങ്കെടുത്തു. . വിവിധ യൂണിയനുകളില്‍ നിന്നായി നാനൂറില്‍പ്പരം പേര്‍ പങ്കെടുത്തു.
Author
