ചേർത്തല യൂണിയനിൽ ജനജാഗ്രത സദസ്

ചേർത്തല : എസ്.എൻ.ഡി.പി യോഗം കേന്ദ്ര വനിതാ സംഘത്തിന്റെ നിർദ്ദേശപ്രകാരം ചേർത്തല യൂണിയന്റെ നേതൃത്വത്തിൽ ജനജാഗ്രത സദസ്സ് യൂണിയൻ ഹാളിൽ യൂത്ത് മൂവ്മെന്റ് കേന്ദ്ര സമിതി അംഗം മണിലാൽ ഉദ്ഘാടനം ചെയ്തു.

വനിതാ സംഘം യൂണിയൻ പ്രസിഡന്റ് റാണി ഷിബു അദ്ധ്യക്ഷയായിരുന്നു. സെക്രട്ടറി ശോഭിനി രവീന്ദ്രൻ സ്വാഗതം പറഞ്ഞു.

അന്ധവിശ്വാസങ്ങൾക്കും അനാചാരങ്ങൾക്കുമെതിരെ നിലകൊള്ളുമെന്ന പ്രതിജ്‌ഞയോടെ പ്രതീകാത്മകമായി ബലൂണുകൾ പറത്തി. ചേർത്തല യൂണിയനിലെ 106 ശാഖകളിലേയും വനിതാ പ്രതിനിധികൾ പങ്കെടുത്തു. നിയുക്ത ഡയറക്ടർ ബോർഡ് മെമ്പർ അനിൽ ഇന്ദീവരം,അഞ്‌ജലി രവീന്ദ്രൻ , യൂത്ത് മൂവ്മെന്റ് യൂണിയൻ പ്രസിഡന്റ് ജെ .പി.വിനോദ്, വനിതാ സംഘം കൗൺസിലർമാരായ സിനി സോമൻ, സുനിത സേതുനാഥ്, അമ്പിളി അപ്പുജി, ഗുരുപ്രസന്ന, സുജ ജയചന്ദ്രൻ, ബേബി ഷാജി, സൈബർ സേന സ്റ്റേറ്റ് കോ-ഓർഡിനേറ്റർ ധന്യ സതീഷ്, ജില്ലാ കോഓർഡിനേറ്റർ രതീഷ്, സൈബർ സേന യൂണിയൻ കൺവീനർ ബാലേഷ് , പ്രജീഷ തുടങ്ങിയവർ സംസാരിച്ചു. ബേബി ബാബു നന്ദി പറഞ്ഞു.