പെരിന്തല്‍മണ്ണ കോളേജിന് ബഹുമതി
കാലിക്കറ്റ് യൂണിവേഴ്‌സിറ്റിയിലെ ഏറ്റവും നല്ല എന്‍.എസ്.എസ് യൂണിറ്റിനും ഏറ്റവും നല്ല പ്രോഗ്രാം ഓഫീസര്‍ക്കുമുള്ള അവാര്‍ഡുകള്‍ പെരിന്തല്‍മണ്ണ എസ്.എന്‍.ഡി.പി കോളേജ്പ്രിന്‍സിപ്പല്‍ ഡോ.പി.കെ ജഗന്നാഥനും, പ്രോഗ്രാം ഓഫീസര്‍ ഡോ.ഷിബുവും വൈസ് ചാന്‍സലര്‍ ഡോ.എം .കെ ജയരാജില്‍ നിന്നും ഏറ്റുവാങ്ങി. വൈസ് പ്രിന്‍സിപ്പാള്‍ സുജീഷ് പി കെ, സീനിയര്‍ അദ്ധ്യാപകന്‍ പ്രൊഫ.മുഹമ്മദ് മുസ്തഫ,ഡോ അജിത് , അസിസ്റ്റന്റ് പ്രൊഫസര്‍ പ്രമീഷ് പി പി, ഓഫീസ് സൂപ്രണ്ട് വിമല.വി എന്നിവര്‍ സന്നിഹിതരായിരുന്നു
കഴിഞ്ഞ 3വര്‍ഷത്തെ മികവുറ്റ പ്രവര്‍ത്തനങ്ങള്‍ക്കുള്ള അംഗീകാരമാണ് ഈ അവാര്‍ഡുകള്‍ ലഭിക്കുവാന്‍ കാരണമായത്.
അക്കാഡമിക് രംഗത്തും കാലിക്കറ്റ് യൂണിവേഴ്‌സിറ്റിയില്‍ മുന്‍നിരയിലാണ് എസ്.എന്‍.ഡി.പി.വൈ. എസ്.എസ് കോളേജ്. എം എസ് ഡബ്ലിയു കോഴ്‌സില്‍ ആദ്യത്തെ 10 റാങ്കുകളില്‍ 7 റാങ്കും കാരസ്ഥമാക്കി.ബികോം(സിഎ), ബികോം (ബാങ്കിങ്) ബിബിഎ, ബിസിഎ ,ബിഎ ഇംഗ്ലീഷ്, ബിഎസ്.സി ഫിസിക്‌സ്, ബിഎസ്.സി കെമിസ്ട്രി, ബിഎസ്.സി സൈക്കോളജിഉള്‍പ്പെടെ 8 യുജി കോഴ്‌സുകളും എംകോം, എം എസ് ഡബ്ലിയു, എം എസ്സ്.സി കെമിസ്ട്രി ഉള്‍പ്പെടെ മൂന്ന് പി. ജി കോഴ്‌സുകളും ഉണ്ട്.
Author
