യോഗത്തെ തകര്‍ക്കാന്‍ ആര്‍ക്കും സാധിക്കില്ല
കുറുപ്പുംപടി: എസ്.എന്‍.ഡി.പി യോഗത്തെ തകര്‍ക്കാന്‍ ചിലര്‍ നടത്തുന്ന ശ്രമങ്ങള്‍ വിജയിക്കാന്‍ പോകുന്നില്ലെന്ന് യോഗം വൈസ്പ്രസിഡണ്ട് തുഷാര്‍ വെള്ളാപ്പള്ളി പറഞ്ഞു. കുന്നത്തുനാട് യൂണിയനില്‍ നടന്ന മഹാസമാധി ദിനാചരണത്തില്‍ ദീപപ്രോജ്ജ്വലനം നടത്തി സംസാരിക്കുകയായിരുന്നു അദ്ദേഹം. ദൈവത്തിന്റെ തൃക്കരങ്ങളാല്‍ സ്ഥാപിതമായ മഹാപ്രസ്ഥാനമാണിതെന്ന് അക്കൂട്ടര്‍ക്ക് ഇതുവരെ മനസ്സിലായിട്ടില്ല. അതുകൊണ്ടുതന്നെയാണ് അവരുടെ ശ്രമങ്ങള്‍ ഫലിക്കാതെ പോകുന്നതെന്നും തുഷാര്‍ പറഞ്ഞു.
യൂണിയന്‍ ചെയര്‍മാന്‍ കെ.കെ. കര്‍ണ്ണന്‍ അദ്ധ്യക്ഷത വഹിച്ചു. കണ്‍വീനര്‍ സജിത്ത്‌ നാരായണന്‍, കമ്മിറ്റി അംഗം എം.എ. രാജു എന്നിവര്‍ സംസാരിച്ചു. ചേരാനല്ലൂര്‍ ശ്രീശങ്കരനാരായണക്ഷേത്രം മേല്‍ശാന്തി ടി.വി. ഷിബുശാന്തിയുടെ നേതൃത്വത്തില്‍ ഗുരുമണ്ഡപത്തില്‍ വിശേഷാല്‍ പൂജകള്‍ നടന്നു. യൂത്ത്മൂവ്‌മെന്റ് വനിതാസംഘം, എംപ്ലോയീസ്‌ഫോറം ,പെന്‍ഷനേഴ്‌സ് കൗണ്‍സില്‍, വൈദിക സമിതി, സൈബര്‍സേന, മുന്‍ യൂണിയന്‍ ഭാരവാഹികള്‍, വിവിധ ശാഖാഭാരവാഹികള്‍, പ്രവര്‍ത്തകര്‍ തുടങ്ങിയവര്‍ പങ്കെടുത്തു.
Author
