മാടമണ്‍ ശ്രീനാരായണ കണ്വെന്ഷന് സമാപനം
റാന്നി: എസ്.എന്‍.ഡി.പി യോഗം റാന്നി യൂണിയന്റെയും പോഷക സംഘടനകളുടെയും സംയുക്ത ആഭിമുഖ്യത്തിൽ പമ്പാ മണപ്പുറത്ത് നടന്നുവന്ന മാടമണ്‍ ശ്രീനാരായണ കണ്വെന്ഷന് സമാപിച്ചു. ഗുരുവും ആശാനും എന്ന വിഷയത്തില്‍ എസ്.എന്‍.ഡി.പി യോഗം കൗണ്‍സിലര്‍ പി.ടി. മന്മഥന്‍ പഠനക്ലാസ് നയിച്ചു. ആന്റോ ആന്റണി എം.പി. ആശംസാപ്രസംഗം നടത്തി. സമാപന സമ്മേളനം എസ്.എന്‍.ഡി.പി യോഗം ദേവസ്വം സെക്രട്ടറി അരയാക്കണ്ടി സന്തോഷ് ഉദ്ഘാടനം ചെയ്തു. സ്വാഗതസംഘം ചെയര്‍മാന്‍ കെ. വസന്തകുമാര്‍ അദ്ധ്യക്ഷത വഹിച്ചു. സ്വാഗതസംഘം ജനറല്‍ കണ്‍വീനറും റാന്നി യൂണിയന്‍ അഡ്‌മിനിസ്‌ട്രേറ്ററുമായ അഡ്വ. മണ്ണടി മോഹനന്‍ സ്വാഗതം പറഞ്ഞു.
അടൂര്‍ യൂണിയന്‍ ചെയര്‍മാന്‍ അഡ്വ. എം. മനോജ് കുമാര്‍, ചേര്‍ത്തല യൂണിയന്‍ ഡയറക്ടര്‍ ബോര്‍ഡ് അംഗം ബൈജു അറുകുഴി, വനിതാസംഘം റാന്നി യൂണിയന്‍ ചെയര്‍പേഴ്‌സണ്‍ ഇന്ദിരാമോഹന്‍ദാസ്, യോഗം കൗണ്‍സിലര്‍ എബിന്‍അമ്പാടി, സ്വാഗതസംഘം കണ്‍വീനര്‍ പി.എം. സന്തോഷ്‌കുമാര്‍, മുന്‍ വനിതാകമ്മിഷന്‍ അംഗം ഡോ. ഷാഹിദകമാല്‍ എന്നിവര്‍ പ്രസംഗിച്ചു. ഗാന്ധിഭവന്‍ ഇന്ററ്‌നാഷണല്‍ ട്രസ്റ്റ് സെക്രട്ടറിയും മാനേജിംഗ് ഡയറക്ടറുമായ പുനലൂര്‍ സോമരാജനെ ആദരിച്ചു. അജയ് ഹാച്ചറി മാനേജിംഗ് ഡയറക്ടര്‍ പി.വി. ജയന്‍ അനുമോദനവും ചികിത്സാ ധനസഹായ വിതരണവും അവാര്‍ഡ് ദാനവും യോഗം അസിസ്റ്റന്റ് സെക്രട്ടറി പി.എസ്. വിജയന്‍ സ്‌കോളര്‍ഷിപ്പ് വിതരണവും നടത്തി. സ്വാഗതസംഘം വൈസ് ചെയര്‍മാന്‍ പ്രമോദ്‌വാഴാംകുഴി നന്ദി പറഞ്ഞു.
Author
