മലപ്പുറം യൂണിയന്റെ മഹാസമാധി ദിനാചരണം
മലപ്പുറം : മഹാസമാധി ദിനം എസ് എന്‍ ഡി പി യോഗം മലപ്പുറം യൂണിയന്റെ ആഭിമുഖ്യത്തില്‍ വിവിധ പരിപാടികളോടെ ആചരിച്ചു. ഗുരുഅഷ്ടോത്തരി പുഷ്പാര്‍ച്ചനയും ഗുരുപൂജയും ഗുരുദേവ കൃതികളുടെ ആലാപനവും നടത്തി.പൂജാദി കര്‍മ്മങ്ങള്‍ക്ക് യോഗം ഡയറക്ടര്‍ പ്രദീപ് ചുങ്കപ്പള്ളി കാര്‍മ്മികത്വം വഹിച്ചു. കീര്‍ത്തനാലാപനത്തിന് ശ്രീനാരായണ വൈദിക യോഗം സെക്രട്ടറി പി കെ ഹരിദാസന്‍ നേതൃത്വം നല്‍കി. പരിപാടികള്‍ക്ക് യൂണിയന്‍ പ്രസിഡന്റ് ദാസന്‍ കോട്ടക്കല്‍, സെക്രട്ടറി സുബ്രഹ്മണ്യന്‍ ചുങ്കപ്പള്ളി, യോഗം ഡയറക്ടര്‍ നാരായണന്‍ നല്ലാട്ട്, വൈദിക യോഗം പ്രസിഡന്റ് ഗോവിന്ദന്‍ പുറ്റേങ്ങല്‍, യൂണിയന്‍ കമ്മിറ്റി അംഗം ദാമോദരന്‍ ചാലില്‍, വനിതാ സംഘം പ്രസിഡന്റ് ഗീത ടീച്ചര്‍, ശാഖാ യോഗം സെക്രട്ടറിമാരായ സുരേഷ് ബാബു മേല്‍മുറി, ജതീന്ദ്രന്‍ മണ്ണില്‍തൊടി, ബാലകൃഷ്ണന്‍ പൊട്ടിക്കല്ല്, രാജേഷ് പൊന്മള, സുരേഷ് ഒതുക്കുങ്ങല്‍ ,മോഹനന്‍ ഊരകം മേല്‍മുറി, പി ആര്‍ ചന്ദ്രന്‍ ഉമ്മത്തൂര്‍ അനില്‍ പെരിങ്ങോട്ടുപുലം എന്നിവര്‍ നേതൃത്വം നല്‍കി.
Author
