കെ വി ശശികുമാർ അനുസ്മരണം
എസ്. എന്‍. ഡി. പി യോഗം ചങ്ങനാശ്ശേരി യൂണിയന്റെ മുന്‍ പ്രസിഡന്റ്, കെ വി ശശികുമാറിന്റെ ആറാമത് ചരമവാര്‍ഷിക ദിനാചരണം സ്‌മൃതി മണ്ഡപത്തില്‍ പുഷ്പാര്‍ച്ചന, അനുസ്മരണ സമ്മേളനം തുടങ്ങിയ പരിപാടികളോടെ ആചരിച്ചു.
ആനന്ദാശ്രമത്തിലെ സ്‌മൃതി മണ്ഡപത്തില്‍ പുഷ്പാര്‍ച്ചനക്ക് ശേഷം എസ് എന്‍ ഡി പി യോഗം ചങ്ങനാശ്ശേരി യൂണിയന്‍ മന്ദിര ഹാളില്‍ നടന്ന അനുസ്മരണ സമ്മേളനം ചങ്ങനാശ്ശേരി എം എല്‍ എ അഡ്വ. ജോബ് മൈക്കിള്‍ ഉദ്ഘാടനം ചെയ്തു. സമ്മേളനത്തിന് യൂണിയന്‍ സെക്രട്ടറി സുരേഷ് പരമേശ്വരന്‍ അദ്ധ്യക്ഷത വഹിച്ചു.
കെ വി ശശികുമാറിന്റെ സ്മരണ നിലനിര്‍ത്തുന്നതിന് യൂണിയന്‍ ഏര്‍പ്പെടുത്തിയിട്ടുള്ള 10000 രൂപയും ഫലകവും അടങ്ങുന്ന ഗുരുവന്ദനം അവാര്‍ഡ് യൂണിയന്‍ പ്രസിഡന്റ് ഗിരീഷ് കോനാട്ട് കോട്ടയം ഗുരുനാരായണ സേവാ നികേതന് സമര്‍പ്പിച്ചു.
സൈബര്‍ സേനക്ക് വേണ്ടി സുരേഷ് പെരുന്ന തയ്യാറാക്കിയ ജീവചരിത്രമടങ്ങുന്ന ഓര്‍മ്മചെപ്പ് എന്ന ഡോക്യുമെന്‍ററി സമ്മേളനത്തില്‍ പ്രദര്‍ശിപ്പിച്ചു. റിട്ട. എസ് പി ബി വിജയന്‍, നിയുക്ത ഡറക്ടര്‍ ബോര്‍ഡംഗം സജീവ് പൂവത്ത്, എസ് എന്‍ എസ് ഇ ട്രസ്റ്റ് ട്രഷറര്‍ എസ് സാലിച്ചന്‍ , എസ് എന്‍ എസ് ട്രസ്റ്റ് ട്രഷറര്‍ കെ എസ് സോമനാഥ്, ആത്മ മിത്രം സുന്ദര്‍ഭാനു ചെന്നൈ തുടങ്ങിയവര്‍ അനുസ്മരണ പ്രസംഗം നടത്തി. യൂണിയന്‍ വൈസ് പ്രസിഡന്റ് പി. എം. ചന്ദ്രന്‍ സ്വാഗതവും ഡയറക്ടര്‍ ബോര്‍ഡംഗം എന്‍. നടേശന്‍ കൃതജ്ഞതയും അര്‍പ്പിച്ചു.
ശാന്തമ്മ ശശികുമാര്‍, ബന്ധുമിത്രാദികള്‍, യൂണിയന്‍ കൗണ്‍സിലര്‍മാരായ പി. ബി. രാജീവ്, പി. അജയകുമാര്‍, പി.എന്‍. പ്രതാപന്‍, എസ്. സുഭാഷ്, യൂണിയന്‍ പഞ്ചായത്ത് കമ്മിറ്റി അംഗങ്ങളായ കെ. ജി. പ്രസന്നന്‍, മൈക്രോഫൈനാന്‍സ് കോ-ഓര്‍ഡിനേറ്റര്‍ പി എസ് കൃഷ്ണന്‍കുട്ടി, തുടങ്ങിയവര്‍ പങ്കെടുത്തു.
Author
