കോരുത്തോട് സി. കേശവന്‍ മെമ്മോറിയല്‍ ഹയര്‍സെക്കന്‍ഡറി സ്‌കൂള്‍ രജതജൂബിലി സമാപന സമ്മേളനം
കോരുത്തോട്: സി. കേശവന്‍ മെമ്മോറിയല്‍ ഹയര്‍ സെക്കന്‍ഡറി സ്‌കൂളിന്റെ രജതജൂബിലി സമാപന സമ്മേളനം ‘വിപഞ്ചിക 2023’ യോഗം ദേവസ്വം സെക്രട്ടറി അരയാക്കണ്ടി സന്തോഷ് ഉദ്ഘാടനം ചെയ്തു. ജൂബിലി സ്മാരക സമര്‍പ്പണവും, അദ്ദേഹം നിര്‍വഹിച്ചു. ആന്റോ ആന്റണി എം.പി. മുഖ്യപ്രഭാഷണം നടത്തി. മുന്‍ മാനേജര്‍മാരായ എം.കെ. രവീന്ദ്രന്‍വൈദ്യര്‍, എം.കെ. ഗോപാലപ്പണിക്കര്‍, എ.എന്‍. സാബു, വി.ആര്‍. രത്‌നകുമാര്‍ എന്നിവരെ സെബാസ്റ്റ്യന്‍ കുളത്തുങ്കല്‍ എം.എല്‍.എ. ആദരിച്ചു. കൂപ്പണ്‍ പദ്ധതിയുടെ സമ്മാന വിതരണോദ്ഘാടനം ജില്ലാ പഞ്ചായത്ത് വൈസ്‌പ്രസിഡന്റ് ശുഭേഷ് സുധാകരന്‍, ബ്ലോക്ക് പഞ്ചായത്ത് പ്രസിഡന്റ് അജിതാ രതീഷ്, ഗ്രാമപഞ്ചായത്ത് പ്രസിഡന്റ് ശ്രീജാഷൈന്‍, ജില്ലാ ആസൂത്രണ സമിതി അംഗം കെ. രാജേഷ് എന്നിവര്‍ ചേര്‍ന്ന് നിര്‍വഹിച്ചു. എസ്.എന്‍.ഡി.പി യോഗം ഹൈറേഞ്ച് യൂണിയന്‍ പ്രസിഡന്റ് ബാബു ഇടയാടിക്കുഴി, സെക്രട്ടറി അഡ്വ. പി. ജീരാജ് എന്നിവര്‍ ഉപഹാര സമര്‍പ്പണവും വൈസ്‌പ്രസിഡന്റ് ലാലിറ്റ് എസ്. തകിടിയേല്‍ യു.പി. സ്‌കൂള്‍ ഗേറ്റ് സമര്‍പ്പണവും നടത്തി. ജൂബിലി സ്മാരകം സംഭാവന നല്‍കിയ അദ്ധ്യാപിക ജെറ്റി ജെ. റോസിന് മാനേജര്‍ എം.എസ്. ജയപ്രകാശ്, സെക്രട്ടറി അനീഷ് മുടന്തിയാനിയില്‍ എന്നിവര്‍ ചേര്‍ന്ന് ഉപഹാരം നല്‍കി. ജെയിംസ് പുളിക്കല്‍, ഉദയകുമാര്‍ മേനോത്ത്, അജിത സുനില്‍കുമാര്‍, ദീപ ജി. ശോഭനാ മോഹന്‍, ദീപഹരി എന്നിവര്‍ സമ്മാനവിതരണം നടത്തി. സ്‌കൂള്‍ മുന്‍ഭാരവാഹികളായ ഇ.പി. സോമശേഖരന്‍, സി.ആര്‍. രവി ചാലില്‍. പി.എന്‍. ശിവദാസന്‍, വി. എസ്. രാജു വെട്ടിക്കല്‍ തുടങ്ങിയവര്‍ പങ്കെടുത്തു. പ്രിന്‍സിപ്പല്‍ റ്റിറ്റി എസ്. സ്വാഗതവും പ്രോഗ്രാം കമ്മിറ്റി ചെയര്‍മാന്‍ എം.ആര്‍. ഷാജി മാങ്കുഴിയില്‍ നന്ദിയും പറഞ്ഞു.
Author
