മണ്ണുത്തി യൂണിയന്റെ ജയന്തി ദിനാഘോഷം

എസ്.എൻ.ഡി.പി യോഗം മണ്ണുത്തി യൂണിയന്റെ നേതൃത്വത്തിൽ ജയന്തി ദിനാഘോഷത്തിന്റെ ഉദ്ഘാടനം മന്ത്രി കെ.രാജൻ നിർവഹിച്ചു.

ഓണാഘോഷങ്ങളുടെ ഭാഗമായി കേരളം സന്ദർശിക്കുവാൻ അമേരിക്കയിൽ നിന്നും എത്തിയ പ്രേമ സ്കോട്ട് കീ,അയർലൻഡിൽ നിന്നും വന്ന അമ്പർ മാരീ മോറൻ എന്നിവർ ചേർന്ന് ഗായത്രി മന്ത്രം മലയാളത്തിൽ ചൊല്ലി.എസ്.എൻ.ഡി.പി യോഗം മണ്ണുത്തി യൂണിയൻ സെക്രട്ടറി ബ്രുഗുണൻ മനയ്ക്കലാത്ത് സ്വാഗതം പറഞ്ഞു.യൂണിയൻ പ്രസിഡണ്ട് ഇ.കെ.സുധാകരൻ അദ്ധ്യക്ഷത വഹിച്ചു പാലക്കാട് മുതലമട സ്നേഹാശ്രമം സ്വാമി സുനിൽദാസ് ജയന്തിദിന സന്ദേശവും അനുഗ്രഹ പ്രഭാഷണവും നടത്തി.ഡോക്ടർ പൽപ്പു ഫൗണ്ടേഷൻ മാനേജിങ് ട്രസ്റ്റി റിഷി പൽപ്പു വിദ്യാഭ്യാസ പുരസ്കാര വിതരണം ചെയ്തു. തൃശ്ശൂർ കോർപ്പറേഷൻ കൗൺസിലർ രേഷ്മ ഹെമേജ്,എസ്. എൻ.ഡി.പി യോഗം ഡയറക്ടർ ബോർഡ് മെമ്പർമാരായ ടി.വി.ചന്ദ്രൻ,ചിന്തു ചന്ദ്രൻ,യൂണിയൻ കൗൺസിലർമാരായ ശിവദാസൻ താമരശ്ശേരി,എൻ.കെ.രാമൻ,ജനാർദ്ദനൻ പുളിങ്കുഴി,രാജേഷ് തിരുത്തോളി,വനിതാ സംഘം യൂണിയൻ പ്രസിഡന്റ്‌ സ്വർണ്ണലത ടീച്ചർ,സെക്രട്ടറി ലത ഉണ്ണികൃഷ്ണൻ,യൂത്ത് മൂവ് മെന്റ് യൂണിയൻ പ്രസിഡന്റ്‌ പ്രശാന്ത്.ഇ.പി, സെക്രട്ടറി ജിതിൻ.പി.ആർ, പെൻഷണേഴ്സ് കൗൺസിൽ യൂണിയൻ ചെയർമാൻ അഡ്വ.എം.എൻ.ശശിധരൻ,കൺവീനർ മോഹനൻ.എ.എസ്, സൈബർസേന യൂണിയൻ ചെയർമാൻ വിനൂപ്.കെ.എസ്, കൺവീനർ രാഹുൽ രജീന്ദ്രൻ എന്നിവർ ആശംസകൾ നേർന്നു. മണ്ണുത്തി യൂണിയൻ വൈസ് പ്രസിഡണ്ട് സുബ്രഹ്മണ്യൻ പൊന്നൂക്കര നന്ദി പറഞ്ഞു.സമർത്ഥരായ വിദ്യാർത്ഥികളെ അനുമോദിച്ചു.