വെസ്റ്റ് മനക്കുളങ്ങര ശാഖയില്‍ ലഹരി ബോധവത്ക്കരണ ക്ലാസ്
കൊടകര : ശ്രീനാരായണ ധര്‍മ്മ പരിപാലനയോഗം കൊടകര യൂണിയന്‍ 2820-ാം നമ്പര്‍ വെസ്റ്റ് മനക്കുളങ്ങര ശാഖയില്‍ വിശേഷാല്‍ പൊതുയോഗം നടത്തി. ശാഖ പ്രസിഡന്റ് എം.കെ. മോഹന്‍ദാസ് അദ്ധ്യക്ഷത വഹിച്ചു. കൊടകര യൂണിയന്‍ സെക്രട്ടറി കെ.ആര്‍. ദിനേശന്‍ ഉദ്ഘാടനം നിര്‍വ്വഹിച്ചു. മയക്കുമരുന്നിന്റെ ഉപയോഗം മാരകമായ ഒരു വിപത്തായി മാറിയസാഹചര്യത്തിൽ ലഹരി ബോധവത്ക്കരണ ക്ലാസ്സുകള്‍ ശാഖയില്‍ നടത്തുവാന്‍ തീരുമാനിച്ചു. ചടങ്ങില്‍ ശാഖ സെക്രട്ടറി ഭരതന്‍ കിഴക്കൂടന്‍, യൂണിയന്‍ കൗണ്‍സിലര്‍ എം.എസ്. പ്രഭാകരന്‍തുടങ്ങിയവർയോഗത്തില്‍ പങ്കെടുത്തു.
വട്ടേക്കാട് ശാഖയില്‍
ലഹരി ബോധവത്ക്കരണ ക്ലാസ്
കൊടകര : ശ്രീനാരായണ ധര്‍മ്മ പരിപാലനയോഗം കൊടകര യൂണിയന്‍ 1527 -ാം നമ്പര്‍ വട്ടേക്കാട് ശാഖയിലെ വിശേഷാല്‍ പൊതുയോഗം നടത്തി. ശാഖ പ്രസിഡന്റ് പി.വി. ബാബു അദ്ധ്യക്ഷത വഹിച്ചു. യൂണിയന്‍ സെക്രട്ടറി കെ.ആര്‍. ദിനേശന്‍ ഭദ്രദീപം കൊളുത്തി ഉദ്ഘാടനം നിര്‍വ്വഹിച്ചു. മുഖ്യാതിഥിയായി കൊടകര യൂണിയന്‍ വൈസ് പ്രസിഡന്റ് പി.കെ. സുഗതന്‍ സംസാരിച്ചു. ലഹരി ബോധവല്‍ക്കരണക്ലാസ്സുകള്‍ ശാഖയില്‍ നടത്തുവാന്‍ തീരുമാനിച്ചു. ശാഖ സെക്രട്ടറി വിശ്വംഭരന്‍ വി.കെ, യൂണിയന്‍ കമ്മിറ്റി ഐ.വി. ചന്ദ്രന്‍, ശാഖ വൈസ് പ്രസിഡന്റ് എന്‍.വി. രവീന്ദ്രന്‍,എന്നിവര്‍ പങ്കെടുത്തു.
Author
