കുട്ടനാട് സൗത്ത് യൂണിയന്‍ ഘോഷയാത്രയില്‍ ജനസാഗരം
കുട്ടനാട്: എസ്.എന്‍.ഡി.പി യോഗം കുട്ടനാട് സൗത്ത് യൂണിയന്റെയും വിവിധ പോഷകസംഘടനകളുടേയും നേതൃത്വത്തില്‍ ശ്രീനാരായണഗുരുവിന്റെ 170-ാമത് ജയന്തി ആഘോഷത്തോടനുബന്ധിച്ച് സംഘടിപ്പിച്ച ഘോഷയാത്ര പ്രൗഢഗംഭീരമായി.
പച്ച ചുടുകാട്ടില്‍ ഓഡിറ്റോറിയത്തില്‍ ആരംഭിച്ച സമ്മേളനവും ഘോഷയാത്രയും എസ്.എന്‍.ഡി.പി യോഗം വൈസ്‌പ്രസിഡന്റ് തുഷാര്‍വെള്ളാപ്പള്ളി ഉദ്ഘാടനം ചെയ്തു. യൂണിയന്‍ ചെയര്‍മാന്‍ പച്ചയില്‍ സന്ദീപ് അദ്ധ്യക്ഷനായി.കണ്‍വീനര്‍ അഡ്വ. പി. സുപ്രമോദം തിരുനാള്‍ സന്ദേശം നല്‍കി. സര്‍വ്വമത പ്രാര്‍ത്ഥനാ യോഗത്തില്‍ അഡ്വ. നാസര്‍ പൈങ്ങാമഠം, പച്ച ലൂര്‍ദ് മാതാ ചര്‍ച്ച് വികാരി ജോസഫ് ചൂളപ്പറമ്പില്‍, ജ്യോതിഷാചാര്യന്‍ സുജിത്ത്തന്ത്രി എന്നിവര്‍ പങ്കെടുത്തു. യൂണിയന്‍ കൗണ്‍സിലര്‍മാരായ സന്തോഷ് വേണാട്, ഉമേഷ് കൊപ്പാറ, സിമ്മിജിജി, പോഷകസംഘടന ഭാരവാഹികളായ വികാസ് വി. ദേവന്‍, സി.പി. ശാന്ത, ഉണ്ണിഹരിദാസ്, സുചിത്ര രാജേന്ദ്രന്‍, പീയുഷ് പി. പ്രസന്നന്‍, സുജിത്ത് മോഹനന്‍, വിമല പ്രസന്നന്‍, സുജി സന്തോഷ്, സുജിത്ത് തന്ത്രി, സനല്‍ശാന്തി, ബ്രിജിലാല്‍, ശാലിനി, കെ. സോമന്‍, പി.വി. വിജയന്‍, ആര്യ അനില്‍, ശ്രീക്കുട്ടി, രൂപേഷ്, അനുശ്രീ, വീണബൈജു എന്നിവര്‍ നേതൃത്വം നല്‍കി.
Author
