മണ്ണുത്തി യൂണിയനിൽ പ്രതിഭാസംഗമം

എസ്.എൻ.ഡി.പി യോഗം മണ്ണുത്തി യൂണിയന്റെ എസ്.എൻ.ഡി.പി യോ ഗനേതൃത്വ രജതജൂബിലി ആഘോഷത്തോടനുബന്ധിച്ച് നടന്ന പ്രതിഭാ സംഗമത്തിന്റെ ഉദ്ഘാടനം എസ്.എൻ.ഡി.പി യോഗം അസിസ്റ്റന്റ് സെക്രട്ടറി കെ.വി.സദാനന്ദൻ നിർവഹിച്ചു.എസ്.എൻ.ഡി.പി യോഗം മണ്ണുത്തി യൂണിയൻ സെക്രട്ടറി ബ്രുഗുണൻ മനയ്ക്കലാത്ത് സ്വാഗതം പറഞ്ഞു.എല്ലാ വർഷവും യൂണിയൻ നടത്തി വരാറുള്ള വിദ്യാഭ്യാസ പുരസ്കാര സമർപ്പണവും,വിശിഷ്ട സേവനങ്ങൾക്ക് അവാർഡുകൾ ലഭിച്ചിട്ടുള്ള വ്യക്തികളെ ആദരിക്കലുംനടന്നു.രജത ജൂബിലിയോടനുബന്ധിച്ച് എസ്.എസ്.എൽ.സി,പ്ലസ് ടു പരീക്ഷകളിൽ ഫുൾഎപ്ളസ് നേടിയ കുട്ടികൾക്ക് സ്വർണമെഡലുകൾ നൽകി അനുമോദിച്ചു.മേഖലകൾ തിരിച്ചാണ് പ്രോഗ്രാമുകൾ നടത്തുന്നത്. യോഗത്തിൽ തൃശ്ശൂർ സഹകരണ സ്പിന്നിങ് മിൽസ്‌ ലിമിറ്റഡിന്റെ ചെയർമാനായും,മാഞ്ഞാലി ശ്രീനാരായണ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ്‌ കോളേജിന്റെ വൈസ്.പ്രസിഡണ്ടായും തെരഞ്ഞെടുക്കപ്പെട്ട കെ.വി.സദാനന്ദന് സ്വീകരണവും നൽകി.യൂണിയൻ വൈസ് പ്രസിഡന്റ്‌ സുബ്രഹ്മണ്യൻ പൊന്നൂക്കര അദ്ധ്യക്ഷത വഹിച്ചു.യോഗം ഡയറക്ടർ ബോർഡ്‌ മെമ്പർ ചിന്തു ചന്ദ്രൻ,യൂണിയൻ കൗൺസിലർമാരായ ശിവദാസൻ താമരശ്ശേരി,എൻ.കെ.രാമൻ,എന്നിവർ സംസാരിച്ചു.യൂണിയൻ കൗൺസിലർ ജനാർദ്ദനൻ പുളിങ്കുഴി നന്ദി പറഞ്ഞു