പനപ്പഴിഞ്ഞി ശാഖയിൽ
പഠനോപകരണ വിതരണം

എസ് എൻ ഡി പി യോഗം പനപ്പഴിഞ്ഞി ശാഖയിൽ വിദ്യാർത്ഥികൾക്കായി പഠനോപകരണങ്ങൾ വിതരണം ചെയ്തു. ശാഖാ മന്ദിരത്തിൽ നടന്ന യോഗത്തിൽ വച്ച് എസ് എൻ ഡി പി യോഗം കോവളം യൂണിയൻ സെക്രട്ടറി തോട്ടം പി കാർത്തികേയൻ വിദ്യാർത്ഥികൾക്ക് പഠനോപകരണങ്ങൾ വിതരണം ചെയ്തുകൊണ്ട് ഉദ്ഘാടന കർമ്മം നിർവഹിച്ചു. കോവളം യൂണിയൻ യൂത്ത്മൂവ്മെന്റ് സെക്രട്ടറി ദിപു അരുമാനൂർ സംസാരിച്ചു. ശാഖാ പ്രസിഡന്റ് സുശീലൻ അധ്യക്ഷനായിരുന്ന ചടങ്ങിൽ ശാഖാ സെക്രട്ടറി എസ്. ഓമനക്കുട്ടൻ സ്വാഗതം ആശംസിച്ചു. ശാഖാ യൂണിയൻ പ്രതിനിധിയും കോവളം യൂണിയൻ കൗൺസിലറുമായ ഡോ. നന്ദകുമാർ, യൂണിയൻ യൂത്ത്മൂവ്മെന്റ് കമ്മറ്റി അംഗം മനു പനപ്പഴിഞ്ഞി എന്നിവർ ആശംസകൾ അർപ്പിച്ചു. ശാഖാ വൈസ് പ്രസിഡന്റ് എം.സുബാഷ് കൃതജ്ഞത രേഖപ്പെടുത്തി. ശാഖാ കമ്മറ്റി ഭാരവാഹികളായ രാമചന്ദ്രൻ, ശശികുമാർ, രാജേന്ദ്രൻ , സുരേഷ് ശ്രീകുമാർ, സുഭാഷ്, രെജു , അനു, ആദർശ് , യൂത്ത്മൂവ്മെന്റ് സെക്രട്ടറി സുനന്ദു സുബാഷ്, വനിതാ സംഘം പ്രസിഡന്റ് ഷൈനി, സെക്രട്ടറി ഷീന, ജോ. സെക്രട്ടറി ശാലിനി മോൾ തുടങ്ങിയവർ സംബന്ധിച്ചു.