ഗുരുദേവന്‍ ലോകത്തിന്റെ വെളിച്ചം
പെരുമ്പാവൂര്‍ : ശ്രീനാരായണ ഗുരുദേവന്‍ ലോകത്തിന്റെ വെളിച്ചമാണെന്നും ഗുരുദേവ ദര്‍ശനത്തിന്റെ പ്രചാരകരാകുവാന്‍ മാനവ സമൂഹം ഒന്നാകെ തയ്യാറാകണമെന്നും ആലുവ അദ്വൈതാശ്രമം സെക്രട്ടറി സ്വാമി ധര്‍മ്മ ചൈതന്യ പറഞ്ഞു. എസ്.എന്‍.ഡി.പി.യോഗം കുന്നത്തുനാട് യൂണിയന്‍ ആസ്ഥാനത്തെ ഗുരുദേവ പ്രതിഷ്ഠാ വാര്‍ഷികത്തോടനുബന്ധിച്ചു നടന്ന നേതൃപഠനശിബിരത്തില്‍ സംഘടന ഗുരു സങ്കല്‍പ്പത്തില്‍ എന്ന വിഷയത്തില്‍ പ്രഭാഷണം നടത്തുകയായിരുന്നു സ്വാമി. രാജാക്കാട് യൂണിയന്‍ സെക്രട്ടറി കെ.എസ്.ലതീഷ് കുമാര്‍ ശാഖാ റിക്കാര്‍ഡുകള്‍, ഭരണ സംവിധാനം എന്ന വിഷയത്തില്‍ ക്ലാസ് നയിച്ചു. പ്രതിഷ്ഠാ വാര്‍ഷികാചരണത്തിന്റെ ഭാഗമായി ഗുരുമണ്ഡപത്തില്‍വിശേഷാല്‍ഗണപതിഹോമം,സമൂഹപ്രാര്‍ത്ഥന,ഭജന,കലശപൂജ, കലശാഭിഷേകം,മഹാ ഗുരുപൂജ എന്നീ ചടങ്ങുകള്‍ നടന്നു. ചടങ്ങുകള്‍ക്ക് ഇടവൂര്‍ ശങ്കരനാരായണ ക്ഷേത്രം മേല്‍ശാന്തി ടി.വി.ഷിബു മുഖ്യ കാര്‍മ്മികത്വം വഹിച്ചു. തുടര്‍ന്ന് ശാഖാ നേതൃസംഗമവും പഠനശിബിരവും നടന്നു. പഠനശിബിരത്തില്‍ വിവിധ ശാഖാ ഭാരവാഹികളും, പോഷകാ സംഘടനാ നേതാക്കളും സംബന്ധിച്ചു. പരിപാടികള്‍ക്ക് യൂണിയന്‍ ചെയര്‍മാന്‍ കെ.കെ.കര്‍ണ്ണന്‍, കണ്‍വീ നര്‍ സജിത് നാരായണന്‍, കമ്മിറ്റിയംഗം എം.എ.രാജു എന്നിവര്‍ നേതൃത്വം നല്‍കി
Author
