എസ്.എൻ.ഡി.പി യോഗത്തെ തകർക്കാൻ ശ്രമിക്കുന്നവർ ഈയാംപാറ്റകൾ

ഗുരുദേവ തൃക്കൈകളാൽ രൂപം കൊണ്ട എസ്.എൻ.ഡി.പി യോഗത്തെ തകർക്കുവാനോ തളർത്തുവാനോ ശ്രമിക്കുന്നവർ ആരായാലും ഈയാംപാറ്റകളെപ്പോലെ ചിറകറ്റ് വീഴുമെന്നതാണ് ചരിത്രമെന്ന് എസ്.എൻ.ഡി.പി യോഗം വൈസ് പ്രസിഡന്റ് തുഷാർ വെള്ളാപ്പള്ളി പറഞ്ഞു

എസ്.എൻ.ഡി.പി യോഗം കോലത്തുകര ശാഖാ ആസ്ഥാന മന്ദിരത്തിന്റെ ഒന്നാം വാർഷികവും അവാർഡ് ദാനവും ഉദ്‌ഘാടനം ചെയ്ത് സംസാരിക്കുകയായിരുന്നു തുഷാർ. 23 ലക്ഷത്തിൽ അധികം വരുന്ന യോഗം അംഗങ്ങൾക്കെല്ലാം വോട്ടവകാശം നൽകിയാൽ തിരഞ്ഞെടുപ്പ് ചെലവിനത്തിൽ കോടിക്കണക്കിന് രൂപ വേണ്ടിവരും. തുടർച്ചയായി രണ്ട് തിരഞ്ഞെടുപ്പ് നടന്നാൽ യോഗത്തിന്റെ സാമ്പത്തികനില പരുങ്ങലിലാകും. ഇത്തരത്തിൽ യോഗത്തെ തകർക്കാമെന്നാണ് ചിലരുടെ വ്യാമോഹം. തുഷാർ പറഞ്ഞു.

കോലത്തുകര ശാഖ പ്രസിഡന്റ് കോലത്തുകര മോഹനൻ അദ്ധ്യക്ഷത വഹിച്ചു. ഗുരുകുലം സെക്രട്ടറി സ്വാമി ശുഭാംഗാനന്ദ അനുഗ്രഹ പ്രഭാഷണം നടത്തി. കേരളകൗമുദി തിരുവനന്തപുരം, ആലപ്പുഴ യൂണിറ്റ് ചീഫ് എസ്.വിക്രമൻ, യോഗം കൗൺസിലർമാരായ ഡി.വിപിൻ രാജ്, പച്ചയിൽ സന്ദീപ്, പത്രാധിപർ കെ.സുകുമാരൻ സ്‌മാരക തിരുവനന്തപുരം യൂണിയൻ പ്രസിഡന്റ് ഡി.പ്രേംരാജ്, സെക്രട്ടറി ആലുവിള അജിത്, നെടുമങ്ങാട് യൂണിയൻ സെക്രട്ടറി നെടുമങ്ങാട് രാജേഷ്, ജി.ശിവദാസൻ, ചേന്തി അനിൽ, സതീഷ് ബാബു, ഡോ.ബെന്നി പി.വി, വി.മോഹൻദാസ്, രാജീവ്, കടകംപള്ളി സനൽ, കെ.വി.അനിൽകുമാർ, അരുൺ, അശോക്, കുളത്തൂർ ജ്യോതി, മണപ്പുറം ബി.തുളസീധരൻ, പി.സുരേഷ്ബാബു, രമേശൻ തെക്കേയറ്റം, മധുസൂദനൻ, സുനിൽകുമാർ. ആർ.സത്യനേശൻ, സുഭാഷ് ഭാസ്‌കരൻ , എൻ.മോഹൻദാസ്, ജീവ ധർമ്മരാജൻ, രാജലക്ഷ്മി, വിജയാംബിക ബാലചന്ദ്രൻ എന്നിവർ പങ്കെടുത്തു. വിവിധ പരീക്ഷകളിൽ ഉന്നത വിജയം നേടിയ വിദ്യാർത്ഥികളെ യോഗത്തിൽ ആദരിക്കുകയും ഓണക്കോടികൾ വിതരണം ചെയ്യുകയും ചെയ്തു. ശാഖാ സെക്രട്ടറി സി. പ്രമോദ് സ്വാഗതവും യൂത്ത് മൂവ്മെന്റ് സെക്രട്ടറി പ്രണവ് കോലത്തുകര നന്ദിയും പറഞ്ഞു.