മാന്‍ തിളങ്ങി, മങ്ങി
അഴിമതിയുടെ മണം അടിച്ചയുടന്‍ മന്ത്രിയെ പുറത്താക്കുക മാത്രമല്ല അറസ്റ്റ് ചെയ്യിക്കുക കൂടി ചെയ്ത് തിളങ്ങി നിന്നയാളാണ് പഞ്ചാബ് മുഖ്യമന്ത്രി ഭഗവന്ത്സിംഗ് മാന്‍. കരാറുകാരോട് കമ്മീഷന്‍ ചോദിച്ചതിനാണ് ആരോഗ്യമന്ത്രി വിജയ്സിംഗ്ലയോട് ഈ ‘കടുംകൈ’ചെയ്തത്. ‘തെളിവുണ്ടോ’, കോടതിയല്ലേ തീരുമാനിക്കേണ്ടത് തുടങ്ങി നമ്മുടെ നാട്ടിലെ ന്യായവാദങ്ങളൊന്നും വിലപ്പോയില്ല. എന്നാല്‍ അടുത്ത ദിവസം തന്നെ മുഖ്യമന്ത്രിയുടെ പ്രതിച്ഛായ ഇടിഞ്ഞു വീണു. പോലീസ് സംരക്ഷണം പിന്‍വലിച്ചതിന്റെ പിറ്റേ ദിവസം തന്നെ ഗായകന്‍ സിദ്ദുമുസേവാലയെ ഭീകരര്‍ വെടിവെച്ചു കൊലപ്പെടുത്തിയ സംഭവത്തില്‍ വിമര്‍ശന കൂരമ്പുകളേറ്റ് പിടയുകയാണ് മാന്‍.
Author
