ഇന്നെന്റെ കൂരയിൽ

ഇന്നെന്റെ കൂരയില്
മാമഴ പെയ്യുമ്പോഴ്
സ്നേഹത്തിൻ കഞ്ഞിയുമായി
പെണ്ണൊരുത്തി ചാരത്ത്

പ്ലാവില കുമ്പിളില്‌
കഞ്ഞി ചൂട് മാറ്റിടുവാൻ
ചെഞ്ചുണ്ടാൽ ഊതിയവൾ
കഞ്ഞിക്കും അതിമധുരം

ചുണ്ടിലെ ശോണിമ തുമ്പി
പ്ലാവില വക്കിലായി പാറി
എന്നെയും നോക്കിയിട്ടവൾ
ആർദ്രമായി പുഞ്ചിരിക്കുന്നു.

പാതി പാതി പങ്കുവെച്ച്
വിശപ്പിന്റെ മുള്ളെടുത്ത്
ഉള്ളയന്നം കൊണ്ടു ഞങ്ങൾ
ഉള്ളറിഞ്ഞ് മോദമേറ്റി

മേൽക്കൂര ചോരുമ്പോഴ്
പെണ്ണിവള് കണ്ണുവാർത്തു
കണ്ണുനീരും മഴവെള്ളവും
മാറിമാറി തേവി ഞാനും

സ്വപ്നം കൊണ്ട് ചോർച്ച മാറ്റി
സ്വർഗ്ഗ ചാമരം കണ്ണീരാറ്റി
എന്തുതന്നെയായിരുന്നാൽ
വ്യാമോഹത്തിൻ വേരുമോടി

ചില്ലു റാന്തൽ വെട്ടമിന്ന്
മാറിമാറി മിന്നിടുന്നു
ഉദരത്തിൻ ആലയിലോ
പട്ടിണിയും രാകീടുന്നു

മിന്നു കെട്ടിയ താലി പോലും
വിറ്റെടുത്തു പഷ്ണി മാറ്റാൻ
എന്റെ രണ്ട് പൈതങ്ങള്
അല്ലലിന്റെ ചൂടറിഞ്ഞ്

താലികെട്ടിയ പെണ്ണിവള്
താരു പോലെ വാടിടുന്നു
താരകം പോൽ മിന്നിടുന്നു
കണ്ണിലിന്നും കണ്ണുനീര്

കൂര ചേർന്ന് പാഞ്ഞിടുന്നു
കൊമ്പുമാട്ടി കൊടുങ്കാറ്റ്
ഞങ്ങളെല്ലാം ചേർന്നിരുന്നു
ഭീതി മാറാൻ കൂട്ടിരുന്നു

മോഹമാരി പെയ്തിടുവാൻ
കാർമുകില്‌ തുമ്മീടുമോ?
ഊഷരത നേർത്തു പോകാൻ
നീര് നാവ് വന്നിടുമോ?
9947725907